گورننس

آپ کی کامیابی کے لئے اپنا راستہ دکھانے کے لئے تیار


بورڈ آف ڈائریکٹرز کی پروفائل


جناب فہد وقار صدیقی - نان ایگزیکٹیو ڈائریکٹر

جناب فہد وقار صدیقی ایک کیریئر بینکر ہیں اور حال ہی میں 2020 میں کینیڈا سے پاکستان منتقل ہوئے ہیں۔ اپنے کیریئر کے دوران، جناب فہد ایشیاء، مشرق وسطیٰ اور شمالی امریکہ جیسے مختلف ممالک میں اعلیٰ انتظامی عہدوں پر فائز رہے ہیں جبکہ مالیاتی اداروں جیسے کہ HSBC، سٹینڈرڈ چارٹرڈ، بارکلیز بینک اور بینک آف مونٹریال سے وابستہ رہے ہیں۔ جناب فہد کنزیومر اور ریٹیل بینکنگ، ویلتھ مینجمنٹ، بزنس اور ڈیجیٹل ٹرانسفارمیشن، چینج، پروگرام اور پروجیکٹ مینجمنٹ، ٹرانزیکشن بینکنگ اور کسٹمر ایکسپیرئنس کے تمام شعبوں میں تجربہ کے حامل ہیں۔ آپ نے 2021 میں جے ایس بینک لمیٹڈ پاکستان میں بطور ہیڈ آف پروڈکٹ شمولیت اختیار کی۔ آپ محفوظ اور غیر محفوظ قرضے، گرین اینڈ سوشل لون، ADCاور کسٹمر پروپوزیشنز بشمول ویلتھ مینجمنٹ، ایمپلائی بینکنگ اور ریٹیل ڈپازٹ پروڈکٹس کی قیادت کرتے ہیں۔ آپ جے ایس بینک کی ‘‘ایکسٹینڈڈ لیڈرشپ ٹیم’’ کے ممبر بھی ہیں۔ جناب فہد صدیقی نے یونیورسٹی آف مڈل سیکس، UKسے MBA کی ڈگری حاصل کی اور آپ ایک سرٹیفائیڈ چینج مینجمنٹ پروفیشنل (CCMP) بھی ہیں۔ کاروبار کو تبدیل کرنے میں ان کے جذبے اور توجہ نے انہیں گلوبل PROSCI ‘‘سرٹیفائیڈ’’ چینج پریکٹیشنر بننے کی طرف راغب کیا۔

جناب امتیاز گڈر، سی ای او

مسٹر امتیاز گڈردسمبر 2021 سے جے ایس گلوبل کیپٹل لمیٹڈ سے وابستہ ہیں اور اکتوبر 2022 سے چیف ایگزیکٹو آفیسر کی حیثیت سے کمپنی کی قیادت کررہے ہیں - مسٹر گڈر مقامی اور عالمی بروکریج / سرمایہ کاری بینکنگ، پورٹ فولیو کے انتظام، تحقیق اور سرمایہ کار تعلقات میں 20 سال کا عمیق تجربہ رکھتے ہیں

وہ جے پی مورگن اور مقامی الحاق شدہ بینک آف امریکہ میرل لائنچ میں مقامی/عالمی بروکر اور ایکویٹی کیپٹل مارکیٹس میں متنوع تجربہ کے حامل ہیں جہاں پر انہیں مختلف مواقع پر ایشیا منی اورسی ایف اے سوسائٹی پاکستان کی جانب سے پاکستان کے ایک بہترین تجزیہ کار کے طور پر تسلیم کیا گیا ہے-اپنی ای سی ایم کوششوں کے تحت وہ ایم اینڈ اے ، بائے بیکس ڈی جی آر آفرنگزایس پی اوز اور آئی پی اوز، رائٹ آفرنگز اور ٹینڈر پیشکشوں میں 1.8 بلین یو ایس ڈالر سے اوپر کے سودوں کے انتظام میں کامیاب رہے-

جے ایس گلوبل سے وابستہ ہونے سے قبل وہ بینک الفلاح لمیٹڈ میں آٹھ سال تک کیپٹل مارکیٹس کے سربراہ رہے جہاں پر انہوں نے بنیادی سرکاری اور نجی سرمایہ کاری اور مشاورت کے ایوارڈ یافتہ روباروں کو قائم کیا اور ان کا انتظام چلایا، جنہیں کئی مواقع پر خرید و فروخت کے لحاظ سے ایم اینڈ اے اور سرکاری پیشکشوں میں ایک علامتی نشان تسلیم کے طور پر کیا جاتا ہے- اسی طرح ان کی کوششوں سے بینک کی آٹھ سالہ قیادت کے دوران اسے بہترین سرمایہ کار تعلقات میں بہترین ایکویٹی کارپوریٹ فنانس ہاؤس (بینکوں) قرار دیا گیا-

مسٹر گڈر ایک چارٹرڈ فنانشل اینالسٹ (سی ایف اے) ہیں اور انہوں نے انسٹیٹیوٹ آف بزنس ایڈمنسٹریشن سے مہارت خصوصی مالیات میں ماسٹر ان بزنس ایڈمنسٹریشن (ایم بی اے) کیا ہے-

جناب شہاب انور خواجہ – چیئرمین، آزاد ڈائریکٹر

جناب شہاب خواجہ نے پبلک سیکٹر میں پاکستان ایڈمنسٹریٹو سروس (سابقہ ڈسٹرکٹ مینجمنٹ گروپ) میں بطور کیرئیر سول سرونٹ تقریباً 36 سال تک خدمات انجام دی ہیں اور وفاقی سیکریٹری نجکاری اور صنعت و پیداوار، ایڈیشنل سیکرٹری پاپولیشن ویلفیئر، جوائنٹ سیکریٹری اکنامک افیئر ڈویژن، سمال اینڈ میڈیم انٹرپرائزز ڈویلپمنٹ اتھارٹی (SMEDA) کے چیف ایگزیکیٹیو آفیسر اور مختلف تسلیم شدہ کمپنیوں میں ڈائریکٹر کے اہم عہدوں پر فائز رہ کے ہیں۔ آپ کو سماجی ترقی کے میدان میں خاص طور پر قانونی معاملات، کمیونٹی موبلائزیشن اور کمیونٹی ڈویلپمنٹ کا وسیع تجربہ حاصل ہے۔ آپ سیکیورٹی ایکسچینج کمیشن آف پاکستان کی تجویز کردہ فہرست شدہ کمپنیوں کی ضروریات کے تحت ایک مصدقہ ڈائریکٹر بھی ہیں۔

مذکورہ عہدوں سے قبل، آپ محکمہ زراعت اور لائیو سٹاک اور ڈیری ڈویلپمنٹ، حکومت پنجاب کے سیکرٹری کے طور پر بھی خدمات انجام دے چکے ہیں۔ ریٹائرمنٹ کے بعد، آپ Competitiveness Support Fund (CSF) کے سی ای او، وزارت خزانہ اور یو ایس ایڈ کے مشترکہ پروجیکٹ اور پاکستان ایڈوائزری کونسل (FMPAC) کے فرٹیلائزر مینوفیکچررز کے ایگزیکٹو ڈائریکٹر کے عہدوں پر بھی فائز رہے۔ آپ نے متعدد پبلک سیکٹر آرگنائزیشنز بورڈز میں خدمات انجام دیں اور متعدد بین الاقوامی اداروں اور سیمینارز جیسا کہ UNDP، UNFPA، UNIDO، ECOSOC APO وغیرہ میں حکومت پاکستان کی نمائندگی کی۔

جناب شہاب خواجہ نے کیمسٹری میں ماسٹر آف سائنس کی ڈگری کے حامل ہیں اس کے ساتھ ساتھ برمنگھم یونیورسٹی، یونائیٹڈ کنگڈم سے ڈیولپمنٹ ایڈمنسٹریشن میں اور یونیورسٹی آف کنیکٹیکٹ ہارٹ فورڈ، USA سے پبلک پالیسی میں پوسٹ گریجویٹ ڈپلومہ کیا ہے۔



مسٹر میکسیملین فیلکس شیڈر – آزاد ڈائریکٹر

مسٹر شیڈرکو کارپوریٹ اور بینکنگ کا 39 سالہ تجربہ حاصل ہے جس میں بورڈ ممبر، سینئر پبلک کمپنی ایگزیکٹو اور سینئر بین الاقوامی سرمایہ کاری بینکر کے طور پر خدمات انجام دینا شامل ہیں۔ بطور چیف فنانشل آفیسر ، مسٹر شیڈر کارپوریٹ گورننس کے عمل کو آگے بڑھانے اور پبلک کارپوریٹ فائلنگ اور ریگولیٹری ضروریات کی نگرانی کے ذمہ دار تھے۔ بطور چیف ایگزیکٹیو آفیسر اور بورڈ ممبر ، مسٹر شیڈر کو آپریٹنگ اور بطور مشیر تجربہ حاصل ہے کہ کس طرح مستحکم کاروبار کی تعمیر اور پیمائش کی جائے۔ بطور ایک سینئر بین الاقوامی سرمایہ کاری بینکنگ ایگزیکٹو، مسٹر شیڈر نے کارپوریٹ اور بزنس ڈویلپمنٹ، انضمام اور حصول، فنانس، اور فنڈ ریزنگ کی مہارتیں تیار کیں۔

مسٹر شیڈر اس وقت 500 گلوبل (کیلیفورنیا، USA) کے آزاد بورڈ ممبر اور Drover A1 (مونٹانا، USA) کے بورڈ ممبر اور چیف فنانشل آفیسر کے طور پر خدمات انجام دے رہے ہیں۔ مسٹر شیڈر کے گذشتہ کرداروں میں مختلف اسٹارٹ اپس کے بانی اور چیف ایگزیکٹو آفیسر، Deutsche بینک AG (فرینکفرٹ، جرمنی) کے منیجنگ ڈائریکٹر، ING Barings/BHF-Bank (فرینکفرٹ، جرمنی) کے منیجنگ ڈائریکٹر اورBear Stearns & Co. (نیویارک، امریکہ) کے ایسوسی ایٹ ڈائریکٹر شامل ہیں۔ مسٹر شیڈر نے اپنے کیریئر کا آغاز Peat Marwick & Mitchell (نیویارک، امریکہ) سے کیا۔

مسٹر شیڈر نے سٹینفورڈ یونیورسٹی سے اکنامکس میں بیچلر آف آرٹس کی ڈگری حاصل کی۔ آپ نے سٹینفورڈ گریجویٹ سکول آف بزنس اور نیویارک یونیورسٹی کے اکاؤنٹنگ پروگرام میں سٹینفورڈ ایگزیکٹو پروگرام میں بھی شرکت کی۔

“

"Unity is strength...
when there is
teamwork and collaboration,
wonderful things
can be achieved."
-Mattie J.T. Stepanek

جناب وقاص انیس – نان ایگزیکٹو ڈائریکٹر

جناب وقاص انیس ایک کیریئر بینکر اور ڈیجیٹل انتھوسیسٹ ہیں جو اس وقت جے ایس بینک لمیٹڈ میں چیف ڈیجیٹل آفیسر کے طور پر خدمات انجام دے رہے ہیں، جہاں وہ پہلے ڈیجیٹل ٹرانسفارمیشن اینڈ انٹرنیشنل بزنس کے سربراہ کے طور پر خدمات انجام دے چکے ہیں۔ جناب وقاص مختلف ملکی اور بین الاقوامی اداروں جیسے کہ ABN AMRO Bank N.V.، فیصل بینک، دی بینک آف پنجاب، اور اٹلس بینک میں 20 سال سے زائد پیشہ ورانہ تجربہ کے حامل ہیں۔ آپ نے Inbox Consulting Pvt. Ltd. کے ساتھ تکنیکی عمل درآمد کے کاروبار میں بھی بڑے پیمانے پر کام کیا ہے۔

جناب وقاص ادائیگی کے نظام، G2P/P2G ادائیگیاں، مشاورت، IT، ADC، CRM، اور مالیاتی شعبے کی ڈیجیٹلائزیشن میں متحرک تجربے کے ساتھ مختلف مالیاتی اداروں میں ڈیجیٹل بینکنگ کی قیادت کر رہے ہیں۔ آپ نے بینکنگ انڈسٹری میں بڑے پیمانے پر مختلف آٹومیشن پروگراموں کی قیادت کی جن میں آرگنائزیشنل انٹیگریشن، فنانشل سروس سلوشنز، ڈیجیٹل آن بورڈنگ، بزنس پروسیس ری انجینئرنگ، متبادل تقسیم - ای بینکنگ، کور بینکنگ مائیگریشنز، اور مختلف CRM اقدامات شامل ہیں۔

جناب وقاص نے انسٹی ٹیوٹ آف بزنس مینجمنٹ کراچی سے بزنس ایڈمنسٹریشن میں ماسٹرز ڈگری حاصل کی اور بحریہ یونیورسٹی اسلام آباد سے سافٹ ویئر انجینئرنگ میں گریجویشن کیا۔


محترمہ رابعہ جویری آغا – آزاد ڈائریکٹر

رابعہ جویری آغا حکومت پاکستان کی سینئر ترین بیوروکریٹس میں سے ایک ہیں اور انہوں نے 37 سال عوامی خدمات انجام دی ہیں۔ آپ پاکستان ایڈمنسٹریٹو سروس ایسوسی ایشن جو ملک میں سرکاری ملازمین کی سب سے بڑی وفاقی تنظیم ہے کی پہلی خاتون صدر تھیں۔آپ نے ماؤنٹ ہولیوک کالج امریکہ اور بلاوتنک اسکول آف گورنمنٹ، یونیورسٹی آف آکسفورڈسے گریجویشن کی ڈگری حاصل کی ہے۔ محترمہ رابعہ کو خواتین اور غیر محفوظ گروپس کیلئے خدمات انجام دینے پرماؤنٹ ہولیوک کالج امریکہ سے قانون میں ڈاکٹریٹ کی اعزازی ڈگری سے نوازا گیا۔

بطور سیکریٹری وزارت انسانی حقوق، آپ نے انسانی حقوق پر مبنی قانون سازی کے 18 مسودے میں اہم کردار ادا کیا جس میں انتہائی ترقی پسند ٹرانس جینڈر ایکٹ 2018 بھی شامل ہے۔ محترمہ جویری نے پاکستان کا پہلا اور واحد چائلڈ میرج ریسٹرینٹ ایکٹ کی تیاری میں بھی مدد کی، جس نے سندھ میں کم عمر لڑکیوں کے لیے کم عمری میں شادیوں کو غیر قانونی قرار دیا۔

حال ہی میں انہوں نے نیشنل کمیشن فار ہیومن رائٹس این سی ایچ آر کا چارج بطور چیئرپرسن سنبھالا ہے، اور انہیں پارلیمانی کمیٹی کی تینوں سیاسی جماعتوں نے متفقہ طور پر منتخب کیا ہے۔ این سی ایچ آر نے ان کی قیادت میں 3 سالہ اسٹراٹیجک پلان تیار کرنے کے لیے ملک گیر مشاورت کی۔اسٹریٹجک پلان کمیشن کے پانچ بنیادی کاموں کی نشاندہی کرتا ہے: شکایت کا ازالہ، قانونی نگرانی، علم و شعور پیدا کرنا، آگاہی/وکالت اور پالیسی مشیر۔

ٓگذشتہ دس مہینوں میں محترمہ رابعہ جویری صاحبہ نے بنیادی کاموں کے امور کی سربراہی کی ہے۔ ان کامیابیوں میں ٹارچر اور کسٹوڈیل ڈیتھ (روک تھام اور سزا) ایکٹ کا نفاذ، جبری گمشدگیوں کے بل کو اپنانا اور خودکشی کو جرم قرار دینے کا بل شامل ہیں۔اس کے علاوہ برطانیہ کے ہاوس آف لارڈز میں اقلیتی حقوق پر این سی ایچ آر کی رپورٹ کو سراہا گیا ہے جبکہ صدر پاکستان نے این سی ایچ آر کی مینٹل ہیلتھ رپورٹ کی بنیاد پر مینٹل ہیلتھ پر ایک ایکشن پلان شروع کیا ہے۔ کمیشن نے ملک بھر میں انسانی حقوق کی خلاف ورزیوں کی 2613 شکایات کا ازالہ کیا اور انسانی حقوق کی خلاف ورزیوں پر 116 ازخود کارروائیاں کیں۔

انہوں نے انسانی حقوق کے مختلف مسائل پر بھی فعال طور پر وکالت کی اور آگاہی پیدا کی جن میں کم عمر افراد کو انصاف سے لے کر جیلوں میں اصلاحات، صحافیوں کے تحفظ اور اقلیتوں کے حقوق شامل ہیں۔ حکومت اور عدلیہ کے ساتھ ان کی رہنمائی میں کمیشن کی ساکھ میں اضافہ ہوا ہے جس نے اہم انکوائریوں میں کمیشن کی مدد حاصل کی ہے۔


سید جعفر رضا – نان ایگزیکٹو ڈائریکٹر

سید جعفر رضا ایک فنانس پروفیشنل ہیں، جنہیں ٹریڈ فنانس، کارپوریٹ ریلیشن شپ مینجمنٹ، انویسٹمنٹ اور ٹرانزیکشن بینکنگ کے شعبوں میں 2 دہائیوں سے زائد تجربہ حاصل ہے۔

آپ نے جامعہ کراچی اور انسٹی ٹیوٹ آف بزنس ایڈمنسٹریشن سے بالترتیب کامرس اور بزنس ایڈمنسٹریشن میں ماسٹرز ڈگری حاصل کی۔

آپ اس وقت جے ایس بینک میں انویسٹمنٹ، انٹرنیشنل اور ٹرانزیکشن بینکنگ گروپ کے سربراہ ہیں۔

ٓپ نے بینک الحبیب اور عسکری بینک لمیٹڈ کے ساتھ مختلف اعلیٰ انتظامی کردار ادا کیے جہاں آپ نے ان کے بروکریج کے ذیلی ادارے کے نامزد ڈائریکٹر کے طور پر بھی خدمات انجام دیں۔

کے پی ایم جی تاثیر ہادی اینڈ کمپنی چارٹرڈ اکاؤنٹنٹس ، شیخ سلطان ٹرسٹ
بلڈنگ نمبر 2 ، بیومونٹ روڈ ، کراچی ، 75530 ، پاکستان

باوانی اینڈ پارٹنرز
ایس اے لاء ایسوسی ایٹس

جے ایس بینک لمیٹڈ



  • مسٹر میکسیملین فیلکس شیڈر
  • سید جعفر رضا


  • جناب شہاب انور خواجہ
  • جناب فہد وقار صدیقی
  • جناب امتیاز گڈر


  • جناب شہاب انور خواجہ
  • جناب امتیاز گڈر


ڈائریکٹرز کا اگلا انتخاب 22 دسمبر 2025 کو ہونا ہے۔